EL NOST DIALETT

Milano Vecchia Milano

Incoeu l’è la giornada di dialètt,

el nòster meneghin a l’è perfètt,

L’è bèll e dolz el parlà de Milan

a dill m’èl va dii: con calma e on poo pian.

 

“L’è on lenguagg sincer e de bon pes…”

Per dilla ‘me ‘l De Marchi in milanes.

L’hann strapazzaa, l’han quasi butaa via…

adèss Milan la par ona Turchia.

 

L’hann fin traa là ‘me on strasc in d’on canton,

su ‘dèmm, tirèmmel foeura con passion.

El nòst parlà l’è tant ‘me ‘na canzon

che te rosega dent come on s’cioppon.

 

E quand dal tò Milan te see andaa via

te sentet del dialètt, la soa armonia

el tò cervell el va… el va in stondera

perché el nòst parlà l’è on parlà vera!

 

Carletto Oblò

Lascia un commento

Il tuo indirizzo email non sarà pubblicato. I campi obbligatori sono contrassegnati *

Questo sito usa Akismet per ridurre lo spam. Scopri come i tuoi dati vengono elaborati.